Home » Prome Minister Evelyn Wever Croes: PRESUPUESTO 2018 TA REFLEHA DETERMINACION Y CURASHI

Prome Minister Evelyn Wever Croes: PRESUPUESTO 2018 TA REFLEHA DETERMINACION Y CURASHI

by Admin
0 comment 69 views

Prome Minister Evelyn Wever-Croes a duna di conoce cu Presupuesto 2018 ta refleha determinacion y curashi. Pasobra Gobierno a cuminsa prome cu baha gasto di e Ministernan. Gobierno a bin pa prome biaha cu reglanan con cada bureau di Minister mester ta hinka den otro. Gobierno a bin cu por ehempel un organogram, caminda bo ta weita cu tambe pa bureau di Ministernan tin reglanan, con un bureau ta wordo hinca den otro.

Prome Minister ta splica cu a cuminsa cu baha e cantidad di personal cu ta traha na cada un bureau di e ministernan. Esaki ta refleha den un tabel cu a wordo entrega na Parlamento tambe. Por mira e diferencia entre e Gobierno anterior cu e gobierno actual, cu ta un diferencia di mas cu 50% y den gastonan por wak esaki tambe cu ta un gasto menos di 20.1 miyon florin.

No solamente e gastonan di personal a wordo reduci pero varios otro gastonan tambe a wordo baha den e presupuesto aki. Por ehempel gastonan di “Voorlichting en Promotie”: promocion, propaganda etc. a wordo baha cu mas di 1 miyon florin.

“Tur esakinan lo wordo trata den Parlamento, pero loke ta importante ta, cu e Gabinete aki a cuminsa cu rebaha gastonan na e ministerionan, despues a dicidi cu lo bay un paso mas leu y Gobierno a acerca e companianan estatal y a pidi nan pa nan tambe hala faha mara, pasobra cu si e pais ta pasando den momentonan dificil, si pueblo ta pasando den momentonan dificil, nos companianan tambe mester ta solidario den esaki”.

Prome Minister Wever Croes a duna di conoce, cu e response ta bayendo hopi bon y cu Prome Minister ta aprecia e cooperacion cu e companianan estatal ta dunando.

Sinembargo, segun e mandatario, esaki no ta suficiente y a dicidi di ta bay busca e placa di belasting cu no ta drentando manera mester ta, pasobra Gobierno sa cu tin varios hende cu no ta paga manera mester ta of ta manda nan placa pa exterior y e belasting no ta yega, e placa no ta keda aki na Aruba. Esakinan ta wordo yama “compliance”, “leakages” y riba esaki tambe Gobierno a tuma un desicion cu e placanan aki tambe mester keda Aruba.

Prome Minister a bisa: “Cu no tabata suficiente, especialmente debi na e proyectonan di cu nos mester bay paga, cu ta bay suma te na 80 miyon florin pa aña y pesey a haya nos forsa pa bin cu e Crisisheffing. Un Crisisheffing temporal, pasobra Gobierno lo bay reforma e sistema di belasting, cambia esaki y haci’e un sistema mas husto, caminda e schoudernan mas hancho lo carga pa esnan mas small.
Esakinan ta locual ta inclui den e presupuesto y mes momento tambe lo bin cu compensacionnan; compensacion pa pensionadonan, baha e prima di AZV, compensacion pa esnan cu ta gana menos cu 2500 florin pa luna, e reparatie toeslag lo subi, pa asina nan por tin mas placa den nan man, pa aumenta poder di compra. Asina lo tin un par di compensacionnan mas den e presupuesto 2018”.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio