Home Police VIDEO: Accidente cu tres persona herida na Meiveld, entre nan un mucha

VIDEO: Accidente cu tres persona herida na Meiveld, entre nan un mucha

Meiveld – Dialuna atardi 4:20 polis y ambulance a wordo avisa di un accidente serio, altura di Ex Kong Fui Supermarket na Meiveld.

Na yegada di polisnan, ya ambulancenan tawata na e sitio, tratando tres persona herida entre nan un mucha homber chikito.
E accidente a sosode na e crusada di Meiveld, pariba e ex supermarket.

Parti panort den mondi tawata tin un Hyundai i10 color shinishi hinca den mondi, den dje un señora di edad y un mucha homber chikito.
Pazuid di caminda un flat truck marca KIA, den dje un cabayero di edad.

E truck tawata tin un sla na banda drechi.
Falta di preferencia a hunga rol.

Na e sitio a presenta tres ambulance. E señora di edad tawata keha di hopi dolor.
Tur tres persona a wordo transporta pa hospitaal.
Segun polis e personanan ta ok, esta cu nan lo ta levemente herida.