Tamarijn: Diahuebs den oranan di merdia ariba e caminda di Tamarijn pa Seroe Pita por a mira un cantidad grandi di polis y tambe recherchenan,na un cas na Tamarijn cu sigur no ta un adres desconoci pa autoridad.
Varios unidad di polis tawata na e sitio y agentenan bisti cu loke tawata mustra latex gloves, tawata busca paden y tambe pafo riba e tereno di e cas, e polisnan tawata buska te den e mondi patras di e cas. Aparentemente algo hopi importante nan lo tawata buscando, no ta conoci si nan a logra haya locual nan tawata buscando.
Probablemente e entrada hudicial aki por ta relaciona cu un detencion cu a tuma lugar diamars marduga, caminda dos hoben conoci di polis, cu lo ta biba of ta bishita e adres aki, a keda deteni pa ladronicia di tire di auto.
Unidad di K9 y tambe Departamento Forensico di polis tawata na e sitio, durante e entrada hudicial aki no tabata tin niun detencion.