Parlamentario Endy Croes ta hopi preocupa cu Lotto Pa Deporte. Tin pruebanan palpable cu entre otro Destefano Wernet a enrikece su mes cu hopi pero masha hopi placa di deporte. Ful e bestuur ta na altura pero ta complice como cu diferente miembro di Bestuur tambe ta haci un of otro negoshi personal cu Lotto. Nos por corda con Minister Danqui Oduber den conferencia di prensa a presenta un documento cual el a ricibi for di CBN (Canada) cual ta ilustra cu Bestuur ta ricibi Afl. 600 Mil florin pa aña. Hunto cu un profesor Kunneman a cambia structura di Lotto.
Bagamunderia den Lotto
Un set di sinberguensa (no pa mucho tempo mas) ta probechando y corumpiendo Lotto pa deporte. Lo laga Minister Danqui Oduber bin dilanti y splica den e dianan nos dilanti. Ta imposibel ki nivel e hendenan aki ta malgastando placa di Lotto. Nos ta corda e “World Trip” di Da Sousa y su chick e tempo aya y awe su casa ex Parlamentario di AVP, Desiree Croes a haci cu placa di Lotto. Mas di Afl.100 mil florin di deporte pa nan a bay Las Vegas, London, Italia, Amsterdam. Prohibi pa lubida! Mesun sinberguensanan aki a chica Afl. 80 mil florin di Lotto pa pone camara na nan cas priva. Ta na Aruba so cosnan aki por pasa. Mesun Bestuur aki ta ricibiendo Afl. 600 MIL florin pa aña. Wel mesun Bestuur aki ta haciendo practicanan mucho pero mucho mas pio cu locual nos a menciona aki riba. No por pensa con e hendenan aki por drumi trankil anochi.
Plumamento di Lotto
Seleccionnan cu mester biaha te cu awe no ta ricibiendo ni placa ni contesta mientras e malandronan aki ta chicando Lotto pa enrikece usando un profesor cu ta cobra 1000 florin pa ora pa ‘trek recht’ legalmente nan fechorianan pa no bisa locual nan a horta. Lo no dura mucho mas cu lo cuminsa publica tur dia e posibel “LADRONICIANAN” aki den corant. Lo mustra pueblo e culpabelnan cu nomber y fam pa asina comunidad wak ta ki tipo di hende Mike De Meza y Mike Eman a pone maneha Lotto y desgracia nos deporte. Poco mas pasenshi. Endy Croes ta termina bisando, si tin hende a sinti nan mes ofendi cu e artikel aki nan por pidi rectificacion. Dilanti corte den cualkier posibel caso lo trece filenan na cantidad como prueba pa mustra Hues de que se trata.