Oranjestad: Durante un conferencia di prensa, Mark Adkins di Soul Beach Music Festival, a gradici Aruba Tourism Authority pa partnership durante e 18 añanan di SBMF.
Sr. Adkins a sigui menciona cu aña pasa SBFM a bende mas cu 4500 bishitante y cu e aña aki lo conoce un aumento di mas o menos 15%. E partnership aki cu nan tin cu ATA a contribui cu e cantidad di turistanan cu e festival aki ta trece annualmente ta sigui crece y no solamente e cantidad, pero e duracion di nan estadia tambe a aumenta, na cuminsamento nan tabata keda 2 pa 3 dia, pero awo encambio nan estadia ta di un averahe di 6 pa 7 dia. Mirando cu tin asina hopi hende ta keda mas largo a dicidi di pone un Monday Official Soulbeach Day, e no ta caba Dialuna mas sino pa nos bishitantenan e ta bay te Diamars.
Mark Adkins a sigui bisando cu e bon partnership aki a contribui cu e festival a crece y cu e meta tabata pa target turista African American, cu ta e industria turistico di 3.5 biyon dollar. Soul Beach Music Festival ta pa promove nos isla y gana placa cu esaki. E meta di A.T.A. ta honestamente pa aumenta e cantidad di turista pa henter aña, e siman di SBFM, turistanan ta bay beach, nan ta usa transporte, nan ta shop, segun Adkins, e weekend ey e cantidad di estadia ta mas halto cu durante High Season mes y cu na momento cu e turistanan conoce e isla bon prome cu nan regresa Merca.
USA TODAY a pone Soul Beach Music Festival den e Top cinconan di Caribbean Celebrations y tambe Jetsetter Magazine a nombre # 1 Caribbean Summer Festival.
E aña aki un biaha mas ta bay tin artistanan grandi riba e scenario, manera Alicia Keys, Guy, Maxwell etc.
Soul Beach Music Festival lo cuminsa Diaranson dia 23 di mei, den oranan di anochi cu un Welcome Celebration, unda elo bay tuma lugar lo wordo anuncia despues.
Dia 24 di mei ta bay tin un Soul Beach Day, na Moomba Beach y anochi Official Soul Beach All White Party.
Dia 25 di mei un Soul Beach Day na Moomba y anochi Comedy Concert cu e conocido comediante Marlon Wayans, esaki ta tuma lugar na Renaissance Festival Plaza, sigui pa un Official Soul Beach Nightclub Party, na Renaissance Convention Center cu e conocido Dj Jazzy Jeff.
Dia 26 di mei durante dia, na Moomba Beach un Soul Beach Day y despues anochi e Mainstage Concert na Harbour Arena, cu Alicia Keys, Guy y un local act, sigui pa un Soul Beach Nightclub Block Party, cual venue lo wordo anuncia despues.
Dia 27 di mei durante dia, na Moomba Beach un biaha mas un Soul Beach Day y despues anochi e Mainstage Concert Maxwell, Sevyn Streeter y un local act. despues di e concierto ta bay tin un Soul Beach Nightclub Block Party, cual e venue lo wordo anuncia despues.
Dia 28 di mei durante dia, ta bay tin na Moomba Beach, e Memorial Day “Cool Down” BBQ y anochi ta bay tin un Soul Beach Night Time Event.
E ultimo dia, dia 29 di mei durante dia na Moomba Beach ta bay tin e ultimo Soul Beach Day Party.
Balor di entrada ta 60 dollar pa persona, pa anochi, mester presenta cu un ID valido pa por cumpra ticket y ta maximo 6 ticket un persona por cumpra. No ta debolbe placa, Tarifanan internacional ta obtenibel riba soulbeach.com.
Ticketnan ta obtenibel na Cafe the Plaza na Renaissance Martketplace, Craft Coffeee & Bar na Palm Beach, Dragon CD & Electronics na San Nicolas, Reflexion, Fun Miles y Hamaka Sidewalk Cafe na Oranjestad, Moomba Beach y Salt & Pepper na Palm Beach. tambe na Citgo Boulevard, Essoville, Santa Cruz, Palm Beach y Ponton Service station.