Directiva di Centro di Bario, ta anuncia cancelacion di su actividadnan.

Playa Pabao – Despues di pa 17 aña directiva di Centro di Bario Playa Pabao a organisa riba diahuebs santo un anochi di pelicula cu un tema biblico y riba diadomingo di Pasco Grandi un actividad hopi gusta pa nos muchanan cu ta e actividad di buscamento di webo, directiva ta anuncia cu e dos actividadnan a wordo cancela. Motibo di esaki lo wordo anuncia despues. Como directiva nos meta ta di fomenta desaroyo spiritual, social y fisico di poblacion di Playa y henter Aruba, riba un base no confesional ni/of politico. Cu e meta aki den mente semper nos a funciona respetando tur instancia y fundacion. Nos deseo ta pa nos fundacion tambe wordo respeta. Respetami pa mi respetabo. Biniendo bek riba cancelacion di nos actividadnan perhudicando nos muchanan y naturalmente nan mayor nos ta anuncia cu dia nos reanundo nos actividadnan nos lo organisa un actividad pa nan. Nos ta consiente cu problema di hende grandi no mag di perhudica nos muchanan ni nos bario y asina perhudicando Aruba. Nos ta pidi nos disculpa pa esaki. Nos ta termina deseando e pueblo di Playa Pabao y Aruba en general un felis Pasco di Webo y laga nos reflexiona y pidi Papa Dios pa drama su bendicion riba nos pais y nos bario. PLAYA PABAO TE NA FIN DI MUNDO.