Bushiri/ Santa Helenastraat: Diadomingo algo prome cu 1’or di marduga, polis a wordo informa di un atraco cu a caba di tuma lugar ariba dos dama, esaki lo a sosode na altura di Fantastic Garden na Bushiri, mesora a manda un patruya na e sitio.
Dos dama atraca na Bushiri
Na yegada polisnan, ta topa enberdad cu e dos damanan, kendenan ta conta polis cu tres persona a caba di atraca nan.
E damanan a bisa polis cu e atracadornan aki lo tawata den un Toyota Tercel. Esun cu a atracanan a saca un arma di candela riba nan y a exigi nan tasnan, dje nan a bay direccion zuid, esta direcion di Santa Helenastraat.
Tambe nan a bisa polis, cu e auto aki tabata vigilanan, door cu e tabata pasa varios biaha prome cu nan a baha y a comete e atraco riba e dos damanan.
E dos victimanan di atraco a wordo hiba warda di Polis na Playa, caminda a pidi pa asistencia di slachtofferhulp.
Buskeda pa e Tercel cu e atracadornan den dje
Mesora a start un buskeda rigoso den e area di playa pabou pa e Tercel cu lo a comete e atraco aki, despues a resulta cu e Tercel no ta berde sino un otro color.
Den playa dilanti di un bar, polisnan a mira dos Tercel berde, mesora a bay controlanan pero no tawata e autonna aki, pero door cu e motornan tawata frieu.
Un otro patruya si a canta bingo e biaha aki, na momento cu den Santa Helenastraat nan ta para un Tercel shinishi pabou di Xavier University den Santa Helenastraat.
Polis a canta bingo, tres persona sospechoso di atraco deteni y e auto confisca
Den e Tercel shinishi tawata tin dos homber y un muher, despues di a controla e auto y polisnan lo a haya e dos tasnan y mesora a detene tur tres, tambe nan a haya e arma di candela.
Atraco team a bay warda di Playa, pa atende cu e dos damanan y na mes momento cu e tres sospechosonan cu lo a comete e atraco, nan tambe a wordo hiba na warda di Playa. E Toyota Tercel shinishi a keda confisca pa autoridad y Takelwagen a hiba e Tercel warda di Playa, caminda departamento tecnico lo ta encarga di sigui cu e investigacionnan riba e auto.