Dos homber bou influencia bringando riba caminda publico ta keda deteni

L.G.Smith Boulevard – Diadomingo algo prome cu 1’or y mey di marduga, polis ta bay otro banda di caminda di Citgo Boulevard, banda di e dos trucknan di cuminda, pa dos homber aparentemente bou influencia tabata haciendo fastioso y nan tabata bringando cu pida biga den man.

Segun polis a compronde na e sitio nan lo kier a dal otro cu un pida biga. Ambos homber tabata mustra basta bou influencia y polis a detene nan di biaha.

Transportwagen di polis a transporta nan pa warda di polis caminda nan lo haya un cuarto gratis pa descansa.