Oranjestad: Dialuna anochi algo pasa di 9’or y mey, durante cu polis di Oranjestad tabata patruyando den centro di Oranjestad, nan ta nota un dama benta dilanti La Linda.
Na prome instante e dama tabata mustra basta bou influencia, mesora a detene e dama aki y a pidi pa trasnportwagen di polis pa buska e dama aki.
Mientras cu tabata wardando riba transport di polis, e dama a cuminsa altera y a cuminsa haya problema cu halamento di rosea, e agentenan na e sitio a pidi pa presencia di ambulance, pa controla e dama aki. E dama a bisa polis cu ela bebe cuater pildo y ela keda cu un ainda. E pildo cu e dama a bebe ta wordo receta pa hendenan cu tin problema cu pulmon of vianan respiratorio.
Mirando cu e transport a yega prome, a transporta e dama pa Warda di Polis di Oranjestad y despues di un rato Ambulance tambe a presenta pa trata e.