ORANJESTAD, Aruba – E introduccion di e red Digicel LTE ta na caminda. Pa celebra e logro aki cu Digicel, cu ta priminti di entrega servicio di primera clase, e proveedo di comunicacion y entretenimento ta invita tur hende pa join e evento di LTE diabierna 16 di Maart 2018. Pa permiti tur cliente experencia e velocidad super lihe di e netwerk nobo, Digicel lo tin un “blow-out sale” riba nan variedad di Smartphone cu ta compatibel cu LTE. Digicel lo tin prijsnan special riba diferente celular cuminsando desde Afl. 49,-.
Ora bo tin un fiesta, musica ta esencial, asina ta Digicel a bin cu un di e top DJ di Aruba. DJ Nutzbeatz lo ta tocando, sigurando un ambiente festivo. Clientenan no solamente lo disfruta di musica, pero tambe di snack, regalo y hopi mas. Durante e evento lo tin un “life-size cut out” di Usain Bolt, Digicel Chief Speed Officer. Ta invita tur cliente y bishitante pa join e contest di “Pose-like-Bolt. Simplemente saca potret cu e figura di Usain Bolt y upload e riba Facebook uzando e hastag #lihelihe pa gana premionan.
Tur dia consecutivo, Digicel ta haciendo cambio riba nan “cell sides” p’e network pa activa e tecnologia LTE nobo. Algun cliente di Digicel ya caba ta experenciando LTE network cu ta den e fase di test y den algn area. Pa celebra e LTE network cu lo t’ey pronto pa tur hende, Digicel ta invita tur hende pa bishita nan Tanki Leendert Store p’e “blow-out sale” di 5:00pm-8:00pm y e evento di entretenimento di 6:00-8:00pm. Pa mas informacion di e modelonan y prijs di e smartphone, bishita e Facebook page di Digicel.