Home Politics Minister Dangui Oduber a reuni cu e organisacion di Mental Health Caribbean.

Minister Dangui Oduber a reuni cu e organisacion di Mental Health Caribbean.

Oranjestad: Minister encarga cu Turismo, Salubridad Publico y Deporte. Sr. Dangui Oduber a tene un reunion cu e organisacion Mental Health Caribbean. Un reunion sumamente importante caminda Minister a mustra su interes pa bay traha mas estrecho cu e organisacion aki.

E focus ta pa haci e cuido psikiatrico den combinacion cu adiccion uno integral caminda e persona cu problema ta central y lo haña ayudo specificamente basa ariba su necesidad.

Tambe lo bai concentra ariba e tereno di prevencion y crea posibilidadnan caminda muchanan y hobennan cu problemanan psikiatrico y di adiccion lo por wordo atendi. Na Boneiro ya caba e tipo di cuido aki a mustra di tin resultadonan positivo y ta promove un mihor calidad di cuido y cu esaki un mihor calidad di bida pa nos cuidadanonan.

Esaki ta un otro compromiso di Minister Dangui Oduber y Gobierno di Aruba caminda e ser humano ta central.