Recientemente parlamentarionan di comision fiho di Asuntonan Economico y Financiero (CEZFO), presidi pa Sra. Daphne Lejuez, a invita directiva di ATIA pa un reunion di introduccion y tambe pa por haya feedback encuanto topiconan economico di e asociacion di comercio y industria.
Un reunion hopi fructifero den cual a keda palabra di keda den contacto regularmente y tambe traha conhuntamente cu otro stakeholders pa por inventarisa y identifica areanan di mehoracion, entre otro den cuadro legislativo, pa por complementa e plan di gobernacion.
E meta ta pa conhuntamente traha pa reduci burocracia, diversifica y stimula nos economia y crea mas cuponan di trabao pa asina por sigura un miho futuro pa nos hendenan.
E Comision Parlamentario Fiho di Asuntonan Economico y Financiero proximamente lo sigui reuni cu mas stakeholders pa asina amplia su conocemento y crea un base consultativo pa por yuda logra e metanan proponi pa stimula nos economia y percura pa e progreso necesario pa nos comunidad.