Parlamentario Endy Croes: AVP a causa un “Desaster Financiero Historico” y ainda tin e curashi y kier conseha Coalicion con pa deal cu Finasa Publico

Partido AVP ta “halando” mescos un hende cu ta lagando e mundo aki. Despues cu AVP a wordo castiga cu 10 mil voto y Mike Eman en zijn “bende” a wordo manda cas, nos por a nota un AVP cu un fraccion den parlamento hopi zwak y completamente desorienta. Algun Parlamentario cu no ta ni papia den reunion y pues ta riba “mute”. Otro parlamentarionan manera Mike de Meza y Benny Sevinger cu no ta yega trabow at all pero ta cobra si. Esaki tambe ta un manera di horta un pais na un manera fini pero ta esaki ta tipifica nan mentalidad. Otro manera Candelaria kier ple san maritano pero nos a gar’e y a proba con el a negocia su posicion pa subi lista di AVP a cambio di salario barbaro. Desde augustus 2017 e tabata cobra salario di coordinador Afl. 8000 pa luna mientras Mike Eman a firma den luna di october 2017 pa e bira Director na Directie Scheepvaart. Pues una bes esaki a bira conoci y pruebanan a circula den prensa, Bo mester a tuma honor na bo mes y entrega Bo retiro. Tuma ehempel di Zijlstra di Hulanda kende siman pasa a entrega su retiro momento cu a proba cu el a gaña na aña 2006. Dowers y Richard Arends a wordo gara ta gaña recientemente y pues tambe como cabayero (cual nan no ta) mester a tuma nan retiro. Awor e “bende” aki, esta Fraccion di AVP ta cuestionando cu Prome Minister Evelyn Wever-Croes ta malgastando placa. Insinuando cu gobierno actual lo a traha funcionnan nobo cu ta costando demasiado placa. Na e “bende”, esta Fraccion AVP, mi mester refresca nan memoria cu ministernan di Coalicion tin rond di 15 coordinador pa Minister y tin algun cu apenas 7 of 12 coordinador den oficina. Mike Eman su so tabata tin 147 hende y Benny Sevinger 86. Boso ta kere cu boso por tin cuero di cara pa trata na crea discordia den pueblo cu boso instigacionnan y mentiranan? E mesun “bende” aki a skirbi recientemente di friends & family. Esaki ta e politica anticua. Esaki nan a usa na 2009 den combinacion cu nan lo “ELIMINA” BBO. Pueblo a caba di huzga boso september 2017, pasobra pueblo awo a ripara con mentiroso boso ta engañando henter e comunidad . Pues boso cuminsa cambia boso politica y sinta den banki trankil laga hendenan drechi cu gana di drecha e pais aki traha na bienestar di un y tur. Sinti e Cambio!!!