ORANJESTAD, Aruba – The Cinema y Tropical Bottling Co. a organisa un Valentine’s Night Event specialmente p’e hendenan muhe pa asina set e mood pa Valentine’s Day. The Cinema a haci un evento chikito cu e pelicula di Fifty Shades Freed, caminda e prome 100 persona cu a cumpra nan ticket, a ricibi un goodiebag for di sextasy.
Devin de Veer, Sales & Marketing Coordinator di The Cinema, a indica cu nan a haci algo un tiki extra cu djis laga nan bin y bay den sala pa mira e pelicula. Como cu a ricibi mas di 300 hende y pa no prop nan den The Cinema, nan a opta pa huur e ballroom na banda pa asina ricibi e dama nan cu un free welcome drink. Tur dama tabatin e oportunidad di a participa pa gana un premio di Sextasy door di nan ticket. A scoge 5 feliz ganadora, kende a ricibi nan premio for di Devin de Veer.
E damanan cu no a ricibi un “goodie bag”, The Cinema a regala nan un rosa gradiciendo nan pa participa den e prome evento di The Cinema pa 2018. The Cinema no a spera cu hopi hende a presenta, specialmente cu e pelicula di Fifty Shades Freed tin 1 siman caba andando. E reaccion cu nan a ricibi tabata uno positivo y The Cinema ta contento con cos tabata andando. The Cinema hunto cu Tropical Bottling y Sextasy a logra cera cabes hunto den un periodo masha cortico pa asina haci algo posibel pa e cliente nan di The Cinema. The Cinema ta hopi contento cu e resultado cu nan prome evento di 2018.