Despues di e Acto Protocolar cu a tuma luga Dia di Betico riba Plaza Libertador Betico Croes, Su Excelencia Minister di Finanzas, Asuntonan Economico y Cultura, señora mr. Xiomara Ruiz-Maduro y Su Excelencia Minister di Desaroyo Teritorial, Infrastructura y Medio Ambiente, señor Otmar Oduber B.Sc, a haci desvelo di un plakaat conmemorativo pa asina complementa e fase di renovacion di Plaza Libertador Gilberto Françios (Betico) Croes cu a inicia na 2015.
E proyecto di renovacion di Plaza Libertador Betico Croes a wordo financia pa Fondo Desaroyo di Aruba y UNOCA. E acto aki a wordo efectua den presencia di Su Excelencianan Gobernador di Aruba señor Juan Alfonso Boekhoudt, Minister Presidente di Aruba señora mr. Evelyna C. Wever-Croes, demas mandatarionan, Minister señor dr. Armando R. Lampe; Minister señor mr. Andin C.G. Bikker; Minister señor Glenbert F. Croes; Minister señor Danguillame P. Oduber, B.Ec.; Minister señor Crispin V. Jr. Romero y Honorable Presidente di Parlamento mr. Juan E. Thijsen y Parlamentarionan. Yiunan di Betico, nieto- y nietanan, demas famia y fiel siguidornan y demas invitado a experencia e ocasion aki. Riba e plakaat ta graba:
“PLAZA LIBERTADOR BETICO CROES”
Gilberto Françios “Betico” Croes naci 25 di januari 1938 a dedica su carera politico desde fundacion di su propio partido Movimiento Electoral di Pueblo, MEP na e causa pa Aruba ta un pais autonomo den Reino Hulandes. Un lucha cu finalmente el a logra y 1 di januari 1986 Aruba a drenta su Status Aparte.
Desafortunadamente Betico mes no a biba pa waak su lucha bira realidad. Apenas algun ora prome Betico a haya su mes involucra den un accidente automobilistico misterioso. Betico a drenta den un soño profundo di 11 luna largo cu finalmente a cobra su bida 26 di november 1986.
Na 1992 a proclama su fecha natal como un dia nacional. Na 1998 e pueblo Arubano a proclama Betico Croes su Libertador.