Home Politics Lider di Fraccion di POR, Marisol Lopez-Tromp Parlamento ta cla pa trata...

Lider di Fraccion di POR, Marisol Lopez-Tromp Parlamento ta cla pa trata ley di Defensor di Pueblo y Defensor di Mucha

SHARE

Lider di Fraccion di POR, Marisol Lopez-Tromp, durante conferencia di prensa a elabora riba e tema social, un tema cu ta hopi cerca di su curason y cu semper ta keda uno actual.
El a bisa cu un di e leynan cu tin hopi priordad pa nan ta esun di Defensor di Pueblo (Ombudsman) y mas ainda Kinder Ombudsman cu ta Defensor di Mucha. E punto importante aki ta riba agenda pa bay wordo trata pronto den un comision fiho. Tur miembro di Parlamento lo haya un bista total den tur e trabounan cu a bin ta tuma lugar den ultimo añanan riba e topico aki mirando cu ta trata di un ley den preparacion pa basta aña caba y ta cla pa bay wordo trata den reunion publico den Parlamento.

Na momento cu esaki sosode y e keda aproba, instancianan imparcial manera presidentenan di Hof, Raad van Advies y Rekenkamer por wak e diferente candidatonan pa e funcionnan di Defensor di Pueblo y Defensor di Mucha. E personanan aki lo mester traha den un forma imparcial pa nos pais y lo atende casonan di inhusticia cu lo por tin of casonan cu ta rekeri investigacion.