Home Local Busca bo rifa di Koningin Wilhelmina Fonds pa asina yuda den e...

Busca bo rifa di Koningin Wilhelmina Fonds pa asina yuda den e lucha contra cancer

SHARE

Pa di cuatro aña consecutivo Koningin Wilhelmina Fonds Aruba ta bin cu un rifa cu hopi premio atractivo pa yuda recauda fondo pa nos sigui cu e lucha contra cancer. Koningin Wilhelmina Fonds ta enfoca hopi riba e aspecto di educacion y prevencion y alabes ta aporta cu cuido na cas (thuiszorg) pa e pashentnan. Bo aporte lo yuda Koningin Wilhelmina Fonds sigui cu e trabounan aki.

A aserca varios comerciante cu a yuda pa haci e lista di premionan posibel y atractivo. E premionan ta:

Un auto Kia Picanto EX automatic 2018
2 round trip tickets pa Amsterdam cu KLM
Un Mystery 7 days vacation incluyendo airfare y hotel cortesia di Maduro Travel
Un Panasonic Airco Inverter 12.000 BTU di AMC Unicon
Gift certificate di 1000 florin cortesia di Setar NV
Money Card di Kompa Leon di CMB na balor di 1000 florin
Gift certificate di 1000 florin cortesia Superfood
Un weekend stay na Marriott Aruba Resort & Stellaris Casino
Un BOSE Qc 20 di Boolchand’s
Gift certificate di 200 florin cortesia di Ling & Sons Supercenter

Prijs pa rifa ta 25 florin pa un ticket y 500 florin pa buki. E sorteo lo tuma lugar diadumingo 01 di april 2018 y e sorteo lo pasa live na TeleAruba pa 6.45pm. Cu bo contribuicion di 25 florin, bo ta yuda Koningin Wilhelmina Fonds Aruba yuda comunidad y alabes bo tin e chens di gana premionan sumamente atractivo.

Ticketnan ta obtenibel na entre otro Botica Aloe, Cura Cabay Lottery y na oficina di Koningin Wilhelmina Fonds Aruba den Spinozastraat 9, net banda di Watertoren na Playa. Por pasa cumpra ticket na oficina entre 9.30am y 12.30pm y di 3pm pa 5.30pm. Tambe lo tin voluntarionan ta bende rifa na diferente localidad rond di nos isla, entre otro tur diasabra riba caminda di

Tanki Flip dilanti di Bo Guia FM.

E siman aki tin e buki UN ARUBIANO NA LIBYA di escritor Clyde Harms pa e prijs special di afls. 15,= na oficina di Koningin Wilhelmina Fonds y tambe serca e voluntarionan para na Tanki Flip dilanti Bo Guia FM.

Pa mas informacion riba e servicionan di KWF Aruba por bishita e website www.koninginwilhelminafonds.com