70
Presentacion di buki “E hombr’i pueblo” di Rudy Croes
Diamars ultimo sr. Rudy Croes a presenta su buki “E hombr’i pueblo” na Biblioteca Nacional. E buki ta relata storianan real, biografia y informacion valioso. Mas importante, e ta na nos lenga materno Papiamento.
“Ta yenami cu orguyo ora nos autornan mustra e amor y respet aki pa nos idioma. Nos gobierno kier duna nos idioma Papiamento prioridad atrobe, dun’e e luga cu e merece.
Rudy Croes ta un persona cu nunca ta rindi, cu semper ta sigui insisti y lucha. Y ela demostra esey un biaha mas cu e obra aki. Den nomber di Gobierno di Aruba mi ta felicita y gradici Rudy y tur e autornan cu ta duna realse na nos Papiamento”, segun Minister Presidente Evelyn Wever-Croes.