Minister di Husticia in overleg cu minister di infrastructura a tuma e desishon y a pone korpschef na altura.
Relaciona cu e accidente/incidente di diasabra anochi na Coney Island, Alto Comisario a disidi pa duna ordo pa stop e operacion di e lugar en cuestion pa 48 ora. Esaki pa duna espacio na DTI pa bolbe hasi e controlnan necesario pa cu e seguridad pa e bishitantenan.
E pregunta a ser hasi na KPA con por a duna permiso pa opera na e Coney Island menciona y e contesta ta cu KPA a para riba cu tur atraccion mester a wordo controla pa DTI prome cu duna permiso pa e habri, locual a causa un tardansa extra pa e por a habri. Ta te ora cu KPA a haya un “positief advies” di DTI, KPA a permiti esaki habri pa publico. KPA ta sigura pueblo cu nos lo sigi traha hunto cu otro instancianan pa asina garantiza cu e proceduranan di seguridad ta wordo sigi pa pueblo por ta safe.
