Home Politics Reunion hopi fructifero caminda Minister Dangui Oduber a haya presentacion di ATA...

Reunion hopi fructifero caminda Minister Dangui Oduber a haya presentacion di ATA pa loke ta trata e desaroyonan di San Nicolas

SHARE

Minister encarga cu Turismo, Salubridad Publico y Deporte tabata sumamente satisfecho di a atende un reunion hunto cu Collega Minister Otmar Oduber y ATA. Un reunion cu a wordo organisa pa ATA caminda nan a presenta diferente plannan cu ATA y Ministerio di Turismo tin pa loke ta trata e desaroyonan na San Nicolas.

“Turismo, como nos unico pilar economico, tin hopi atencion di nos como gobierno y parti di e vision di e gobierno aki ta pa sigi hasi San Nicolas un atraccion turistico. E meta ta pa converti San Nicolas den un “Cultural Heritage”. Parti di e vision di gobierno tambe ta pa sigi inverti den San Nicolas y crea un desaroyo economico.”

Minister Dangui Oduber a haya e reunion uno hopi fructifero caminda a hasi palabracionnan con pa sigi duna San Nicolas e atencion cu eta merece.

E gobierno anterior a laga e plannan pa desaroyo di San Nicolas den un lachi y no a wori pa ehecuta e plan manera mester ta, pero e gobierno aki ta bai pick up e plan aki y asina sigi inverti den San Nicolas por medio di ATA y e fondo nan di TPF. Nos kier pa e habitante nan di San Nicolas sinti e atencion pa e desaroyonan di San Nicolas y cu tin un cambio, caminda desaroyo nan lo tuma lugar pa sina converti San Nicolas den un atraccion turistico