Minister Dangui Oduber a ricibi bishita di Emabahada Aleman

Minister encarga cu Turismo, Salubridad Publico y Deporte Sr. Dangui Oduber a haya un grato bishita di embahada Aleman Sr. Dirk Brengelmann y su esposa caminda nan a discuti diferente forma di cooperacion. Entre otro a papia ariba e posibilidad pa explora un ruta di Alemania pa Aruba. Esaki sigur lo estrecha lasonan turistico pa Aruba y tambe economico mirando cu e turistanan Aleman ta economicamente hopi bon para. Loke ta di remarca ariba e mercado di turistanan Aleman ta cu nan ta desea di hospeda den Boutique Hotels. Un concepto cu Minister Dangui Oduber ta kere aden y kier sigi desaroya. Actualmente, ITB, e conferencia di Turismo mas grandi na mundo ta tuma lugar na Berlin, Alemania, caminda expertonan di e industria di Turismo ta topa otro y asina intercambia informacion. Minister Dangui Oduber a keda masha content cu e esfuerso cu Emabahada Aleman ta dispuesto pa hasi pa asina crea un ruta Alemania – Aruba.