ORANJESTAD – Dienst Technische Inspectie (DTI) ta informa pueblo di Aruba en general cu entrante diahuebs 18 di januari nan lo inicia cu e proceso di mudamento pa nan edificio nobo situa na Barcadera 153.
Den cuadro di esaki DTI no por ricibi yamada via 584-5300 di cliente te cu dialuna 29 di januari.
Dialuna 22 di januari pa dilanti DTI ta bay den full swing cu mudamento pa Barcadera y lo ta cera pa publico. Diamars 30 di januari DTI ta planea pa ta operacional atrobe. (lo monitor e proceso y ahusta fecha si ta necesario). Dialuna 5 di februari lo ta 100% operacional atrobe.
Por yama ora di urgencia na 593-7945 pa servicio/informacion durante e periodo cu ta cera. No ta tuma cita pa keur auto. Pa accidente na pia di trabao por yama na 593-7913.
DTI ta pidi disculpa pa e inconveniencia.
Update: Coreccion: Door cu dialuna 5 februari (dia despues di carnaval di mucha O’stad) ta un ATV dag, DTI lo ta full operacional riba diamars 6 di februari).