Home Politics Tur entrada di Lotto pa Deporte mester bai bek den deporte

Tur entrada di Lotto pa Deporte mester bai bek den deporte

SHARE

Na aña 2009 e promer decision di conseho di minister di Gabinete Mike Eman, tawata pa kita tur miembro di Raad van Bestuur di Lotto pa Deporte. E tempo ey tur miembro a entrega nan retiro voluntariamente sin bai corte. Y no solamente di Lotto pa Deporte Gabinete Mike Eman I a kita, pero tambe tur e miembro nan di Raad van Bestuur di overheids N.V.’s y tambe stichtingen. Pues ta masha normal mes cu ora tin cambio di Gobierno e miembronan di Raad van Bestuur ta cambia, esaki no ta nada inusual.

Awor cu un Gobierno di coalicion di MEP-POR-RED, a sigi cu mesun procedura. A pidi e miembronan di Raad van Bestuur di Lotto pa Deporte pa pone nan funcionnan disponibel, pero den e caso aki ningun miembro no kier hasi esaki y tur ta lanta caso contra gobierno.

Minister Dangui Oduber ta compronde berdad cu ora Lotto pa Deporte ta paga viaje nan luhoso y cuminda di restaurant pa e miembronan, ta masha dificil pa entrega nan puesto mientras cu e deportista nan ta sufri! Cu placa destina pa deportistanan tawata te asta cumpra camaranan di siguridad pa miembro nan di directiva cu ta casa cu ex parlamentarionan di AVP. Esaki ta mustra un biaha mas con nan ta haci y deshaci cu entradanan destina pa deporte! Actualmente di e 45 miyon florin di entrada di Lotto pa Deporte, solamente 2.5 miyon florin ta bai den deporte, cu ta solamente 5.5%! Esaki ta un hecho cu nan a hasi abuso cu placa di deporte.