Home Politics ARTICULO RIBA NOS DANDE PUBLICA RIBA MEDIANAN SOCIAL INTERNACIONAL

ARTICULO RIBA NOS DANDE PUBLICA RIBA MEDIANAN SOCIAL INTERNACIONAL

SHARE

ORANJESTAD-Durante e Festival di Dande cu a tuma lugar riba Plaza Libertador Betico Croes, Minister Sra. Mr. Xiomara Ruiz-Maduro tabata tin e honor di por sera conoci cu
representantenan di un blog internacional riba social media Sra. Maribel Lozano y esposo cualnan ta di e mundo di cine y cultura.

E mandatario a comparti y a duna splicacion riba nos tradicion cultural di fin di aña, cual ta nos Dande. Sra. Lozano riba su blog maribellozzanodh.wixsite.com a publica un relato amplio di su experiencia aki naAruba y muy especial riba e Festival di Dande.

Aki riba e blog ta trece informacion di nos Dande y con esaki ta wordo celebra den nos pueblo durante e periodo di fin di aña na nos pais. “ARUBA, una Isla de mucho Dande”, un bunita raportahe sigur pa nos pais Aruba y cual ta promove nos cultura tambe pa nos bishitantenan.

Minister Ruiz-Maduro a keda masha encanta cu e publicacion aki y sigur ta un promocion special pa nos pais cual ta haci nos hopi mas orguyoso di nos dande, cual ta un forma unico y especial pa yama un aña nobo un bon bini y cu e miho deseonan pa nos pueblo.