Home Entertainment Despues de un aña fructifero Riu Palace Aruba y Riu Palace Antillas...

Despues de un aña fructifero Riu Palace Aruba y Riu Palace Antillas a cera 2017 cu pagara

SHARE

ORANJESTAD, Aruba – Riu Palace Aruba y Riu Palace Antillas a organisa e celebracion di fin di aña cu su empleadonan, unda cu nan a cende e pagara. Gerencia di ambos hotel a cuminsa cu e tradicion di cende pagara 3 aña pasa, unda e empleadonan tabata bini hunto pa bisa aña 2017 ayo.

Gerencia y empleadonan a reuni dilanti e hotelnan, unda cu algun empleado a habri e pagaranan y a pone esakinan hunto dilanti e hotelnan. Tur hende tabata entusiasma p’e momento di pagara, unda nan tabata disfruta di e agrupacion di dande Los Parranderos. E gerente general di Riu Palace Antillas, Juan Blanco, tabatin e oportunidad di cende e pagara grandi y asina a despedi di e aña bieu y duna bon bini na e aña nobo.

Turistanan tambe a disfruta di e evento di pagara y di e agrupacion Los Parranderos, kendenan a mantene tur hende den e ambiente ameno y di aña nobo. Despues di e tiro, gerencia di ambos hotel hunto cu empleadonan a brinda cu champagne, di cual cada uno a desea otro un prospero aña nobo.

Famia Riu a funda Riu Hotels & Resorts como un hotel chikito na aña 1953, na Majorca, Spaña. Awendia RIU, cu ta partner cu TUI, e compania di tours mas grandi na mundo, ta ofrece 95 hotel, di cual riba 70% ta ofrece acomodacion “All Inclusive”. Riu Hotels & Resorts ta bou maneho diario di e di tres generacion di famia Riu, cu su oficina principal na Majorca y ta conta cu riba 26 mil empleado y ta estableci den 19 pais, manera Spaña, Portugal, Irlanda, Alemania, Bulgaria, Turkia, Morocco, Merca, Mexico, Jamaica, Bahamas, Aruba, Costa Rica, Republica Dominicana, Panama, Cabo Verde, Mauritius, St. Martin y Sri Lanka.

Aki na Aruba, Riu Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.