Home Police Cuatro persona a keda deteni altura di Citgo Paradera, nan lo tawata...

Cuatro persona a keda deteni altura di Citgo Paradera, nan lo tawata den un Getz horta

SHARE

Piedra Plat – Paradera

Diaranson marduga 4:10 patruya di Santa Cruz altura di Bright Bakery ta wak un auto color cora/oraño cu glas getint bayendo cu velocidad halto, direccion west.
Cu velocidad halto e auto ta pasa ariba e rotonde di Piedra Plat.

Mes ora polisnan a bay su tras, mirando e velocidad cu e ta bayendo. Polisnan a dune señal pa para usando zwaailicht y sirena, nan no ta para y ta sigui bay.
Via di luidspreeker ta bisanan: “Stop Polis”, tampoco, e chauffeur ta sigui bay.

Yegando cerca polis ta wak cu ta trata di un Hyundai Getz A- 40447. Agentenan a corda e ora cu mas trempan a haya informacion cu e auto aki lo dal varios biaha, contra un Toyota Tercel na Casibari.
Tambe agentenan tawata dispone di informacion cu e conocido di husticia y tambe di polis “Dede” ta den e auto.

Altura di Citgo Paradera nan a stop y tur cuatro persona a baha di auto.

E chauffeur tawata D, naci 13 Feb 1999 Aruba, pasahero dilanti e conocido “Dede”, K ta naci 26 Feb 1995 aki na Aruba.
Patras dos dama, G di 19 aña y MK di 18 aña.

Loke a yama e agentenan nan atencion tawata e choller glas kibra y por a wak splinternan ariba e sienta patras, tambe patras di e chauffeur un pipe wrench cu ta wordo usa pa desmantela auto.
Tambe a contact tawata kibra, lantando e sospecho mas ainda cu e Hyundai Getz aki ta horta.

Agentenan mes ora detene tur cuatro ocupante y a transportanan pa warda di Santa Cruz. E auto a wordo confisca pa mas investigacion.

A resulta cu Hyundai Getz a wordo horta algun rato prome for di un adres na Avenida Milo Croes.