Home Politics Cu entusiasmo y determinacion Minister Dangui Oduber lo cera aña 2017 y...

Cu entusiasmo y determinacion Minister Dangui Oduber lo cera aña 2017 y habri aña 2018

SHARE

E Minister encarga cu Turismo, Salubridad Publico y Deporte, Sr. Dangui Oduber lo cera aña 2017 cu un entusiasmo y determinacion grandi pa trece solucionnan concreto a largo plaso y duradero pa cu e retonan grandi regardando su carteranan cu ta bastante, laga atras door di un gobierno anterior di Mike Eman cu prioridadnan completamente robes.

No obstante varios obstaculonan laga atras door di e Gabinete anterior di AVP, Minister Dangui Oduber a sa “di lora manga di camisa” y cuminsa traha na bienestar di nos pais.

Prome pasonan tuma den e prome dianan di gobernacion pa e mandatario tawata pa manda carta na tur e instancianan, sui-generisnan, NV’s nan, departamentonan cu ta resorta bou su Ministerio pa asina nan suministra e Minister cu tur documentonan relevante, statutonan, cuentanan anual, etc.
Despues di esaki e Minister a cuminsa reuni cu varios directornan di companianan estatal y directornan di departamentonan cu ta resorta bou e Ministerio di Turismo, Salubridad Publico y Deporte. Tambe a cuminsa na hasi e prome bishitanan oficial na algun di e companianan estatal y departamentonan. Por bisa si cu den e periodo di e prome 30 dianan como Minister, tawata mas bien pa organisa su Ministerio y hanja informacionnan importante di e diferente instancianan, departamentonan y companianan estatal pa asina tin un bista di e situacion cu a wordo hereda for di e gobierno anterior. E fase aki nos ta llame e fase di “coleccion di informacion”. Actualmente ainda ta den e fase aki y falta algun fundacionnan y departamentonan pa colecta informacion for di nan pa asina por keda cla cu e prome fase aki. Despues di esaki lo continua e fase di planificacion na unda lo bai plania e maneho cu lo ser hiba.

E Minister sigur ta compromete su mes na informa pueblo di e status di progresonan, cu lo bai continua pa asina di un forma hopi transparente informa pueblo di kiko por spera di dje como Minister y e maneho cu e lo bai hiba. E Minister ta enfatisa cu e no ta un politico cu ta papia sin hasi. E lo bai hasi loke a wordo priminti a base di e plan di gobernacion. E cambio no ta bin di awe pa manjan sino bo tin cu planifica bon con bo ta bai trece e cambio tan anhela pa nos pueblo. Ta pidi e pueblo cu a vota pa un cambio, pasenshi paso e cambio lo bini. Tin criticanan den direccion di e mandatario cu “con bo por trece cambio cu e mesun “capitannan” ta dirigiendo e barco”. Referiendo na e dicho ey e mandatario ta di opinion cu pa trece un cambio duradero a largo plaso bo mester por tin un bon planificacion pa na su turno tin un bon ehecucion cu bon resultado a termino largo. Ora bo tin e planificacion bon structura, e ora bo por bai reemplasa e “capitannan” pa asina ehecuta e maneho cu miras riba un bon resultado a largo plaso. E Minister ta garantisa e pueblo cu lo bai tin un cambio sigur y cu cosnan pura nunca ta bai bon a termino largo. Y actualmente e mandatario ta den su prome fase ainda cu ta coleccion di informacion y manera e fase aki termina por spera accion sigur.