Home » AAA NV a presenta nan proyecto magno Gateway 2030 na Minister Dangui Oduber

AAA NV a presenta nan proyecto magno Gateway 2030 na Minister Dangui Oduber

by Admin
0 comment 57 views

Minister encarga cu Turismo, Salubridad Publico y Deporte Sr. Dangui Oduber conhuntamente cu Minister President Evelyn Wever-Croes a hanja un presentacion amplio for di e management team di AAA tocante e proyecto grandi pa cu nos aeropuerto nacional cu ta hiba e nomber di “Gateway 2030”.

Manera ya ta conoci caba AAA ta bai conoce un reconstruccion y expansion pa asina por maneha e fluho creciente di pasahero y facilita nan experiencia di viaje y na mesun momento opera na un manera mas efectivo y sostenibel.
Tambe e proyecto “Gateway 2030” tin como meta pa expande nos aeropuerto den futuro pa asina por acomoda mas avionnan commercial. Durante di e expansion di nos aeropuerto lo bai pone tambe enfasis riba e parti energia sostenibel, pues kier converti nos aeropuerto nacional den uno dependiente di energia sostenibel.

E intencion di e proyecto ta pa transforma nos aeropuerto actual den e mihor den Caribe. E proyecto aki sigur lo aporta na nos economia local y tambe yuda na engrandece nos Turismo cu ta e unico pilar economico di nos pais Aruba cu ta genera casi 90% di nos entrada bruto nacional. Minister Dangui Oduber ta compromete su mes sigur cu nos Turismo pa sigi fortalece esaki den uno solido. Ta hopi plannan tin pa yuda fortalece nos Turismo pa asina minimalisa e posibel debilidadnan ainda cu por tin den e sector aki pa asina nos por atrae e turistanan cu ta disfruta di un entrada mas halto y alabes un poder di compra halto pa asina yuda crece e economia mas ainda.

Cu e futuro expansion di nos aeropuerto nacional y futuro desaroyo di nos waf na Oranjestad conhuntamente lo yuda na engrandece nos Turismo pa asina crea mas entrada pa pais Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio