ORANJESTAD- Universidad di Aruba y Maastricht University ta hopi orguyoso di por anuncia cu e prome studiante di nan programa “Double Degree Master Programme International and European Tax Law” a gradua!
Riba 8 di december ultimo Jean-Marc Kock a ricibi su bul for di Maastricht University y nan mes un momento for di Universidad di Aruba. Cu esaki Jean-Marc Kock a logra e titulonan di Master of Laws in International and European Tax Law di Universiteit Maastricht y Master of Laws in Aruban Law di Universidad di Aruba.
Tabata un gran honor di por a conta cu presencia di nos Prome Minister, Señora Evelyn Wever-Croes cu a hiba palabra durante e ceremonia.
E hecho cu despues di su graduacion Jean-Marc Kock por a cuminsa traha di biaha na PwC Aruba, ta demostra cu e estudio aki tin un balor grandi cerca di su coleganan den e ramo aki.
Universidad di Aruba y Universiteit van Maastricht ta spera cu den e proximo añanan por felicita mas studiante cu nan graduacion.