Home Local Dos Misa riba weekend dedica na Marko Espinoza

Dos Misa riba weekend dedica na Marko Espinoza

SHARE

Oranjestad – Diasabra y diadomingo famia, amigonan y algun ex minister y tambe parlamentario a acudi na Kapel di Madiki. E motibo tawata cu a tene un misa pa Marko Espinoza cu ta encarcela, bou sospecho di desaparicion di varios camera, laptops y mas artefactonan electronico cu mester a wordo entrega durante e traspase di gobierno.

Algun dia pasa, entrada hudicial a wordo haci na algun adres, incluyendo na cas di Espinoza.
Gobierno actual lo a entrega un keho na Ministerio Publico, despues cu a nota cu falta varios ekiponan di camera, video camera’s, laptops y mas cos cu no lo a wordo entrega durante traspase di Gobierno.

Di parti opositornan ta wordo papia di persecusion politico, segun nan Espinoza lo no ta un persona cu lo mishi cu nada y cu tin biaha hasta di su propio saco lo tawata cumpra cos pa trabou.
Diasabra y diadomingo un misa a wordo haci pa Marko Espinoza, cu manera nan ta bisa ta pasando den momentonan duro.
E misa tawata pa duna sosten na Marko su famia y nan tawata pa pidi pa husticia prevalece. Por a wak presencia di ex Prome Minister Eman, ex Minister Dowers actualmente parlamentario, tambe Parlamentario Candelaria y ex Parlamentario Melvin Tromp.

Na un radio dirigi na e comunidad latino, tambe tawata pidi pa tur hende asisti na e misa cu e meta pa via di oracion Marko Espinoza recobra su libertad.

Marko Espinoza a haya 8 dia mas, mientras investigacion ta continua, Sr .Petrochi tambe a wordo deteni pero ela recobra su libertad pa su otro dia.