Polis buscando homber sospechoso cerca di Aruba Bank na Hato

Hato – Diabierna mainta polis a bay Aruba Bank na Hato, pa un caso poco straño.
Ta trata cu ya ta algun biaha cu guardianan lo a spot un homber sospechoso.

Na yegada di polis ya e persona a bandona e sitio. Polis a tuma e informacionnan di e guardia y mes ora a sali tira bista rond.
Pero no ta logra haya e homber aki, cu manera nos a bisa caba tin algun biaha of dia ta bin cerca di e banco.