Diahuebs merdia riba invitacion di Fundacion Movemiento ta Bida, Prome Minister sra Evelyn Wever-Croes a bishita un evento na Manchebo Beach Hotel & Resort cu a resulta sumamente ameno.
Fundacion Movemiento ta Bida a clausura su programma di “HUNTO NOS TA VENCE ENVEHECIMENTO” di aña 2017.
Minister Presidente a duna un bunita discurso na e ocacion aki na unda el a elogia e dirigentenan di e Fundacion cu henter aña ta entretene nos ciudadanonan di 60+ cu diferente actividadnan social y cultural cu e intencion principal pa tene nos grandinan den movicion.
Francis Jacobs a percura pa trece dushi ambiente pa entretene nos grandinan kendenan a gosa y pasa un rato excelente cu suculento plato di Pasco.
Prome Minister a aprecia grandemente e oportunidad aki brinda na dje pa comparti un rato cu nos grandinan di e fundacion.