Home » E diahuebs di Minister Glenbert Croes tabata completamente dedica na Asuntonan Social

E diahuebs di Minister Glenbert Croes tabata completamente dedica na Asuntonan Social

by Admin
0 comment 60 views

Considerando e importancia di e aspecto social di un Pais, considerando e compromiso di Minister Glenbert Croes pa realmente haci un diferencia y logra pa pone e wiel di solucionnan sostenible cuminsa draai, realisando cu nos no por warda pa despues, consciente cu e ta un aspecto completamente neglisha, desde su prome dia cu el a bishita Departamento di Asuntonan Social, Minister Glenbert Croes a expresa na e cuerpo di empleado cu ta su deseo di por sinta cu cada departamento interno di Asuntonan Social separa. Pakico? Pa asina e siña kico cada un nan trabou y responsabilidad ta den e spectrum total. E deseo aki di Minister a keda bon ricibi, y diahuebs mainta for di 8or te cu atardi 4.30 Minister Glenbert Croes, acompaña pa Darlaine Erasmus como tambe Parlamentarionan Shailiny Tromp-Lee, Hendrik Tevreden y Sue-Ann Ras a ricibi un explicacion extenso di e funcionamento di cada departamento.

Un reunion hopi informativo. Minister ta aplaudi tur locual cu tur empleado den e departamento aki a bin ta haciendo y manera a keda constata, despues cu e situacion social di Aruba a explota den nos cara y sacudi e fundeshi di Pais Aruba, awor a yega e momento pa na nivel nacional y conhunto, actua!. Tin tur clase di estudio y rapport. Awo a yega e momento pa actua y pone den practica locual cu e rap Y den Minister Glenbert Croes nan lo tin e apoyo sigur pa hunto nos logra solucionnan real, berdadero y sostenible. Tin momentonan cu bo ta puntra bo mes, unda pa cuminsa. Pero e urgencia na e momentonan aki ta asina grandi cu ta di spera cu caminda cu cuminsa cu esaki lo tin su efecto di domino cu ne cu automaticamente a arranque lo ta completo y total.

Minister Glenbert Croes ta gradici e staff y personal di Departamento di Asuntonan Social y ta confia cu hunto lo traha pa combati probresa y necesidad cu asina hopi famia ta pasando aden.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio