Home Local Post Aruba N.V. ta informa: Temporada di Pasco cu tarifa special pa...

Post Aruba N.V. ta informa: Temporada di Pasco cu tarifa special pa manda pakete

SHARE

ORANJESTAD, Aruba – E temporada mas gusta a yega y Post Aruba N.V. tin oferta special pa comunidad. Durante e temporada special di Pasco, mustra bo aprecio y manda algo pa bo ser keri cu e Tarifa Special di Post Aruba N.V.

Desde e siman aki te cu 28 di December tur hende por manda algo pa nan ser keri na Hulanda, Merca, Corsou, BES Islands y St. Maarten. E prijs special pa manda pakete pa Hulanda ta AWG. 35,- pa 2 kilo y AWG. 7,- pa kilo adicional, pakete pa Merca ta AWG. 29,- pa 2 kilo y AWG. 10,- pa kilo adicional, mientras pa Corsou, BES Islands y St. Maarten ta AWG. 15,- y AWG. 5,- pa kilo adicional.

Probecha di e oferta special aki y manda un aprecio pa bo ser keri den exterior. Pa mas informacion riba e tarifanan special aki por yama na 528-7678. E tarifanan aki ta valido pa paki di minimo 2 kilo y maximo 20 kilo desde awo te cu dia 28 di December 2017.

A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 2 oficina adicional na Santa Cruz y San Nicolas. Ey ta ofrece tur tipo di servicio, for di manda un envelop, te na carga pisa. Post Aruba N.V. ta conta cu 111 empleado, cu diariamente ta yega na 42 mil adres situa tur rond di nos isla. Mas cu djis un servicio, e empleadonan atento ta percura pa tanto comunidad como sector comercial por comunica cu otro.
Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba NV y Aruba Stamps.