Home » Directie Volksgezondheid ta informa: Mester preveni pica di sangura cu ta transmiti “Malaria”

Directie Volksgezondheid ta informa: Mester preveni pica di sangura cu ta transmiti “Malaria”

by Admin
0 comment 62 views

Casonan di Malaria na Venezuela ta birando mas

ORANJESTAD, Aruba – 4 di December 2017: Directie Volksgezondheid (DVG), siguiendo noticianan internacional, ta tumando nota cu e casonan di Malaria na Venezuela ta aumentando drasticamente y kier alerta nos comunidad riba posibel importacion di Malaria pa Aruba.

Pa motibo di fluho di turista pa y for di Venezuela, e posibilidad ta considerabel cu un caso di Malaria lo por keda importa aki na Aruba. DVG kier pa comunidad di Aruba sa mas kico ta Malaria, kico ta e sintomanan y e recomendacionnan pa preveni e enfermedad aki.

Malaria ta un enfermedad causa p’e parasito Plasmodium. E enfermedad aki ta wordo transmiti door di un picadura di sangura di e especie Anopheles, infecta cu e parasito y asina ta bay den e sistema di sanger.
Despues di 7 dia cu a wordo infecta cu e parasito, e sintomanan ta cuminsa presenta cu ta Kippenvel; Keintura halto; Soda hopi y Dolor di cabes.

Directie Volksgezondheid kier conscientisa comunidad cu mester tuma medidanan di prevencion si ta bay biaha pa areanan den cual tin un historia di transmision activo di Malaria, den e caso aki p.e. Venezuela. E recomendacion ta pa evita pica di sangura door di uza repelente of insecticida, pone net di cama y remedi specifico pa preveni Malaria. Monitor di cerca personanan cu ta regresa di paisnan cu tin transmision activo di Malaria. Notifica di biaha si ta sospecha caso di Malaria na e Departamento di Enfermedadnan Contagioso (DBZ). Prome cu biaha na un pais cu ta activo den transmision di Malaria, consulta cu bo dokter di cas pa recomendacionnan.

Pa mas informacion por tuma contacto cu Directie Volksgezondheid na telefon 522-4200.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio