Home Police Buskeda pa e criatura di 3 aña ta continua awe Diadomingo, sin...

Buskeda pa e criatura di 3 aña ta continua awe Diadomingo, sin un pista di unda e lo por ta

SHARE

San Nicolas: For di oranan trempan di mainta buskeda rigoroso ta tumando lugar na e parti pariba di nos isla. Grupo di boluntarionan, grupo di polis y tambe mariniers di Savaneta kemp a uni nan mes na e buskeda pa e criatura di 3 aña cu ta perdi, den cual e mama y ni e padrastro kier bisa unda e mucha ta of kiko nan a haci cu e criatura aki.

Mientras tanto Ministerio Publico a duna e caso tristo aki un nomber cu ta carga e nomber “Eugene”, cual ta e di dos nomber di e criatura aki.

Durante e buskeda awe mainta algo pasa di 11’or e mariniersnan ta bin topa como 10 pa 15 meter leu di un cas na Seroe Preto (San Nicolas) cu un cellular, tur cos ta indica cu nan a purba kibra e cellular, pero no a logra. E adres aki ta unda testigonan lo a yega di mira e mama y e padrastro na varios ocasion. Despues di un rato e mariniersnan a topa cu un carseat cu tabata mustra basta bon manteni.

Mesora a pidi pa presencia di departamento technico di polis y e dos articulonan aki a keda confisca pa mas investigacion.

Tambe un grupo di boluntario, polis y mariniers a bay na un adres na Savaneta, pero aki e doño di e cas a permiti nan drenta y buska riba su tereno sin problema.

Awetardi ta bay tin un caminata silencioso na honor di e ruman homber di 5 aña cu a fayece, despues di a wordo tortura y maltrata pa su mama y padrastro.

Tin varios rumornan y informacionnan ta circula, pero te na e momentonan aki no tin nada oficial y e buskeda pa e criatura ta continua. Manera nos di arubanative.com haya un update nos lo publik’e di biaha.