Home » Ceremonia na Skolnan rond di Aruba 27 November 2017

Ceremonia na Skolnan rond di Aruba 27 November 2017

by Admin
0 comment 65 views
PARA KETO Y RECORDA Y HONRA RISHANDROH ANASTACIA CU A FAYECE A CONSECUENCIA DI MULTIPLE MALTRATO FISICO Y SU RUMAN EUGENE CU AINDA TA PERDI
1. Ta pidi tur cabesante di skol rond di Aruba pa Dialuna awor na comienso di eerste pauze tene 1 minuut di silencio ariba un terreno central di skol (preferibelmente e speelplaats).
2. Despues di e minuut di silencio ta pidi pa papia over di e caso y dicon ta importante pa para keto y tambe recorda e victima. Splica dicon Abuso di Mucha y tur otro tipo di abuso ta inacceptable y pakiko nos tur como un comunidad mester lanta para contra esaki den union.
3. Si por lesa e declaracion di tratado di derecho di mucha pa tur hende presente scucha.
(Skolnan catolico of otro nan por escohe tambe pa reza un “Nos tata” of “Ave Maria” na final pa descanza di e alma y pa speranza den buskeda di Eugene)
Abstracto di tratado di derecho di mucha
Na aña 2001 Aruba a firma e Tratado di Derecho di Mucha, cual ta un di e tratadonan di declaracion universal di derecho humano, haciendo asina e compromiso pa proteha e mucha di un forma mas completo posibel.
”E mucha tin necesidad na asistencia, proteccion y cuido special, incluyendo proteccion huridico, tanto prome como despues di nacemento”
E mucha tin algun derecho humano y libertadnan fundamental cu specificamente ta valido pa e mucha. Esaki sin distinction algun, manera raza, color di piel, sexo, idioma, religion, conviccion politico of cualkier otro conviccion, origen, nacional of social, propiedad, nacimento of otro status.
Tambe ta asina cu e mucha, como grupo special y vulnerabel, ampliamente tin derecho; manera ‘proteccion y cuido special’. Esaki ta enforza e derechonan fundamental di hende y e dignidad y balor humano. Asina ta fomenta progreso social y un standard di bida mas halto.
Derecho nan comun y alienable di tur miembro di comunidad humano ta forma e base pa libertad, husticia y paz na mundo.
E famia ta fungi como nucleo di e comunidad y e ambiente natural pa e desaroyo y e bienestar di tur su miembronan y di muchanan en especial, mester duna e proteccion y asistencia necesario pa di e manera ey por carga su responsabilidadnan dentro di e comunidad na un manera completo.
Pa e mucha por desaroyo completo y harmonioso di su personalidad, e mester crece den un ambiente di hogar, den un ambiente di felicidad, amor y comprension.
E tratado ta considera cu mester prepara e mucha completamente pa hiba un bida independiente den e comunidad y cu mester educé den e espirito di e idealnan cu ta paz, dignidad, tolerancia, libertad, igualdad y solidaridad,
E tratado ta reconose cu den tur pais di mundo, tin mucha cu ta biba den situacionnan extremadamente dificil y cu e muchanan aki tin mester di atencion special. Teniendo cuenta na un manera debido cu e interes di e tradicionnan y balornan cultural cu cada nacion ta atribui na e proteccion y e desaroyo harmonioso di e mucha.
Tur mucha tin derecho y libertad nan. Na Aruba tambe nos mester procura pa tur persona honra esaki nan!
Stop abuso di (derechonan) mucha awor!
Danki na Tai-Foo Benoit Lee, cu a post e articulo aki riba su facebook.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio