Home Police Boksmento na crusada di Morgenster, un persona a resulta levemente herida

Boksmento na crusada di Morgenster, un persona a resulta levemente herida

SHARE

Morgenster – Diasabra anochi polis a bay crusada di Morgenster pa un boksmento.
Polis na su yegada a pidi pa un ambulance, paso tawata tin un persona ta kehando di dolor na su cabes.

Loke nos a compronde na e sitio, tawata cu un di e vehiculonan envolvi a bay trata na pasa un auto pero pa su mala suerte, net esaki a bay pa lora na su man robes.
Momento cu ela maniobra pa hala bek na su man drechi e ta dal patras di e auto.

Den e impacto e persona e dal su cabes y tawata keha di bastante dolor. Ambulance a transporte pa hospitaal.