Home Uncategorized Sinti e cambio den Parlamento: MEP a sali di banki...

Sinti e cambio den Parlamento: MEP a sali di banki di oposicion pa bai na e banda di coalicion

SHARE
Parlamento a nota varios cambio den apenas algun dia. E mas principal ta cu awor e partidonan MEP POR y RED ta esnan cu ta forma e coalicion den Parlamento y oposicion ta AVP awor.
Por nota cu e ambiente den Parlamento tin poco tension pero en general e ta bon.
Diabierna a tuma lugar dos reunion, mainta pa huramentacion y merdia pa eleccion di presidente y vice presidente.
Presidencia ta den man di partido MEP, sr. Guillfred Besaril, y vice presidencia ta den man di partido POR, sr. Andin Bikker.
Unico incidente tabata cu e tres ex ministernan di AVP Sievinger Dowers y de Mesa a nenga pa brinda cu Gobernador despues di huramentacion y a opta pa bandona sala na e momento ey. Algo cu tabata hopi notable y hopi hende a haya esey un falta di respet contra Gobernador. Durante e reunion di merdia Benny Sievinger no tabata presente.
E parlamentarionan di MEP a mustra confiansa y trankilidad, bou liderasgo di sra. Evelyn Wever-Croes. Bo por realmente sinti e cambio.