Home » Integrante Donovan “ Donn “ Henriquez Mi ta cla pa laga mi bos resona cu 1OAK

Integrante Donovan “ Donn “ Henriquez Mi ta cla pa laga mi bos resona cu 1OAK

by Admin
0 comment 86 views

ORANJESTAD, Aruba: Un otro integrante di e banda 1OAK ta e hoben di 28 aña Donovan “Donn” Henriquez. E ta sinti cu e ta fortuna y p’esey e ta agradecido na Dios pa e Talento cu e tin. Semper musica tabata cerca den su kring di amistad.

Donn Henriquez a cuminsa den e mundo di RAP cu su 13 aña y hunto cu amigonan di bario. Mas despues el a cera conoci cu colega artista Jonathan Thiel por medio di amigo mutuo Maurice Maduro y asina nan a cuminsa graba. “Mau por cierto ta un di mi miho amigonan y cual ta semper den mente y curason for di comienso di mi carera artistico”, asina el a expresa. E prome grupo oficial cu el a forma parti di dje tabata “ Game Over”. Akinan ta caminda el a cera conoci cu Giendrick Boekhoudt (T- Drick), kende e ta considera tambe como un di su miho amigonan. Tur caminda cu nan bay of topa, semper nan ta papia e mes un idioma cual ta musica.

E tempo ey T-Drick tabata producer di e Grupo y di cual a sigui te dia di awe como tal. Su talento y dedicacion na cada artista y sigur na Donovan Henriquez ta haci cu e confiansa den su trabou a prevalece pa asina ainda e ta bisa cu e ta su Producer.

E Hit mas grandi di Game Over tabata “GAME OVER- E mucha ey”. E cantica aki tabata forma parti di e exitoso banda popular Upgrade Music, cual el a Feature tres exito grandi cu nan. Despues di esey Donn Henriquez a tuma un break chikito pa dedica un poco na deporte rey futbol y un poco tambe na gym, pero semper cu e inkietud y musica den mente.

Un acercamento y idea nobo a nace na momento cu Jurick Salomon a propone pa forma parti di un proyecto nobo. Pa forma parti di un banda nobo, energia nobo pa Aruba y el a dicidi di tuma e reto aki cu e conviccion di duna lo miho di su mes. Esaki ta e nomber: 1OAK ” One Of A Kind. Pronto lo bay tin tema musical nobo den bos di Donovan Henriquez y cu boso sosten e temanan lo bira exitonan grandi. “Danki Aruba pa acepta nos caba cu tanto cariño”.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio