Sasaki/Bubali: Diabierna algo pasa di 7’or y mey di anochi, polis y ambulance ta wordo pidi cu urgencia na e crusada dilanti di Superfood Plaza pa motibo cu un auto a caba di alcansa un turista.
Na yegada enberdad nan ta topa cu e turista seriamente herida, cu un brasa mal kibra,  cu sla na cabes y tambe basta raska na curpa. Despues cu personal di ambulance a trat’e na e sitio a transport’e cu hopi urgencia pa hospital. Unda slachtoffer hulp mester a presenta pa atende cu e famia.
Durante e impactofuerte, e turista probablemente lo cay riba e hood di e auto y asina lo a kibra e windshield di e auto, un Kia Picanto Shinishi maneha pa un dama.
Polis di trafico a keda pa basta rato na e sitio y a pidi pa presencia di polisnan technico pa yuda den e investigacion.