Morgenster: Diamars den oranan di mainta ta sosode un accident cu un persona herida na e crusada di morgenster, mesora polis y ambulance ta bay na e sitio.
Na yegada nan ta bin topa cu un accident den cual tin tres auto envolvi y ta bin compronde cu un auto bayendo direccion pabou a duna e S.U.V. preto biniendo for di panort preferencia pero e chauffeur di e S.U.V. no a pone tino cu net e momento ey, for di pabou tabata biniendo un Hyundai Getz, e S.U.V. a dal e pone hala na su man robes y dal un Hyundai Accent preto para den e fila cu tabata bayendo pabou.
Den e impacto tabata tin un persona levemente herida y a wordo trata pa personal di ambulance.
Mientras cu e personal di ambulance tabata tratando e persona na e sitio, un auto a pasa dal contra e ambulance, e auto su spiel a kibra y a ambulance a haya un raspa, e auto a sigui core, pero despues di un rato ela bolbe bek na e sitio unda e accident a pasa.