Un monumento na honor di e famoso “baile di cabay” cu a bira popular door di e cantante Psy instala den e prestigioso bario Gangnam den e capital di zuid Korea ta blanco di un cantidad di critica y comentarionan masha sarcastico mes di e parti di e habitantenan di Seoul.
E cancion “Gangnam Style”, cu tawata tin e record di e video mas hopi cu wordo mira ariba YouTube, a acomula cerca di 3 mil miyon copia den e portal y a converti den un berdadero Icono di e cultura pop Koreano.
E idea di inmortalisa e exito aki mediante un sculptura a surgi na final di 2015 y no a tarda pa a genera duda y tambe rechaso, tanto pa e falta di igualdad cu e paisaje urbano y tambe pa su significado, cu hopi habitante tawata haya confuso.
Momento cu haya sa e costo controversial di e monumento pa e presupuesto municipal, cu a resulta di ta 400 miyon di WONS ( $ 350.000), e publico a keda hopi indigna.
Autor di e baile, Park Jae-sang, a cuestiona si e sculptura lo ta adecuado. E cantante, miho conoci como Psy, ta reconoce cu e la logra crea “un cantica increibelmente exitoso cu henter mundo a gusta” y cu e tawata sintie bon cu e idea, pero tambe ta adimiti cu e composicion musical ” tawata simplemente su trabou” y cu e costo di e monumento ta parce un poco ” dimas”.
Finalmente, April 2016 e monumento a wordo instala dilanti COEX shopping center na Seoul. Manera a wordo premira, e “bon bini” di e habitantenan di e bario Gangnam no tawata nada caluroso.