67
B.v.d.Veen Zeppenfeldstraat: Dialuna algo pasa di 7’or y mey di anochi ta drenta un informe cu un persona lo ta canando arma den caya prinicipal di San Nicolas, e persona na telefon ta duna polis un descripcion completo di con e persona arma lo tabata mustra.
Mesora un patruya di San Nicolas ta bay na e sitio den Caya grandi di San Nicolas.
Na altura di Copa Cabana Bar, e polisnan ta bin topa cu un persona cu ta cuadra cu e descripcion cu a wordo duna na telefon.
Loke a hala nan atencion tabata cu, ta trata di un persona cu constantemente “nan” ta yama y bisa polis cu e lo ta arma.
Un biaha mas polisnan a control’e rigorosamente, pero atrobe no ta haya nada nada ariba dje.
E agentenan a dicidi di bay controla su cellular y bingo, paso eynan nan a bin haya sa cu e ta e mes ta yamando polis pa su mes. No ta conoci si ta problema mental e lo por tin.
Aparentemente e lo tin problema cu su pareha y asina ey kier tira culpa ariba e dama cu probablemente lo no ta desea di ta cu ne mas.
Aparentemente e homber aki no ta haya atencion y di e forma aki e lo tabata buskando atencion. Polis a dune un bon skwal y a bis’e cu pa casonan asina e por te hasta bay tras di tralie.