119
Primavera – Diadomingo den careda di 9:45 polis a bay cu urgencia un adres na Primavera, caminda un pelea grandi tawata tumando luga.
Na yegada di polisnan nan a wordo mustra unda nan mester ta, esta bou un mata.
Ey bou nan ta haya sa cu lo tawata trata di un bringamento formal y cu un persona te hasta a wordo gedal cu un piedra na su cabes y tambe mas persona a haya sla.
Un auto su glasnan tambe a wordo destrui.
Na e sitio esnan envolvi a mustra ken a comete tur e cosnan. Tawata trata un persona di Fam Maduro.
Mirando cu e momento ey e persona tambe tawata na e sitio, ela wordo deteni pa maltrato y destruccion.
Ambulance a wordo pidi tambe pa trata e persona cu tawata sangrando.