Home Police Accidente na Rooi Afo, cu hopi daño material y un persona herida

Accidente na Rooi Afo, cu hopi daño material y un persona herida

SHARE

Rooi Afo – Dialuna mainta 11’or pasa un accidente serio a tuma luga na Rooi Afo. Prome informacion a drenta tawata papia cu un auto lo a dal contra un truck y tin persona herida.

Mes ora a cuminsa manda patruyanan di trafico y tambe ambulance, cu na e momento ey casi tur tawata ocupa.
Na e sitio por a compronde cu e truck saliendo di e caminda di tera a bay bira na su man robes, aki ta caminda cu e Nissan Tiida bayendo zuid ta dal cu velocidad halto na e wiel patras di e truck pushando e un banda.
Pa loke ta trata e Tiida mes, esaki a keda total los.

Segun testigonan, loke nan a scucha tawata un zonido masha duro mes, manera un explosion. Chauffeur di e Tiida manera cu e auto a dal, ela baha for di e auto y bay drumi den yerba dilanti un cas, despues nan a pone den e patio. Ela haya golpi y tambe a corta su curpa.
Na yegada di ambulance, ela nenga na prome instante pa bay hospitaal.
Despues di un rato famianan a papia cune y a convence pa e bay, mirando e imapcto fuerte di e accidente.