Home Entertainment Lady Gaga ta resumi su European Tour Januari 2018

Lady Gaga ta resumi su European Tour Januari 2018

SHARE

Lady Gaga lo resumi su European Tour ariba 14 y 16 di Januari 2018 na Barcelona, segun e promotor Live Nation, despues cu e cantante a haye forsa pa cancela su e seccion Europeo di “Joanne World Tour” debi na su fibromyalgia, cu ta causando e un “sufrimento fisico grave”, asina e agencia Live Nation a anuncia.

Lady Gaga “tin e intecion di bay traha e proximo siete simannan cu su dokternan pa asina cura di su traumanan di pasado cu ta sigui afecta su bida diario y cu ta dune hopi dolornan fisico hopi severo”, Live Nation a bisa september ultimo.

Live Nation a confirma cu e tour a wordo completamente rescheduled o sea reprograma pa 2018. Despues di pasa november y december na Norte America, e lo continua Januari y Februari cu e fechanan nobo pa Europa.

E European tour lo start na Barcelona y lo sigui den e tur e ciudadnan Europeo manera ela wordo previamente planea – Milan, Amesterdam, Antwerp, Hamburg, Birmingham, London, Manchester, Zurich, Cologne, Stockholm, Copenhagen y Paris – y pa finalisa 23 di Februari na Berlin.

Ticketsnan cumpra previamente pa e fechanan anterior di e otro conciertonan ta keda valido pa e fechanan nobo.

For di awe te cu November 12, esnan cu kier nan placa bek por haci esaki na e puntonan di benta.

E artista di 31 aña, a revela cu e ta sufri di e enfermedad fibromyalgia, cu ta un enfermedad cronico cu ta provoca multiple dolornan cu no tin claridad riba nan.

Na cuminsamento di september, Lady Gaga a cancela su concierto na Montreal, pa motibo di laringitis y un otro infeccion respiratorio contrai durante un concierto den aire liber na New York.