Home Lifestyle No mester para mas den fila Clientenan encanta cu Experience Store di...

No mester para mas den fila Clientenan encanta cu Experience Store di Digicel

SHARE
????????????????????????????????????

ORANJESTAD, Aruba: Diasabra ultimo Digicel a inaugura su prome Expierence Store na Tanki Leendert, unda cu clientenan a yega pa asina experiencia e servicio nobo cu nan ta ofrece. Desde 9:00 AM te cu 6:00 PM Digicel Aruba tabatin prijs special p’e dia aki.

Digicel Aruba ta orguyoso di nan tienda nobo, unda cu e clientenan por bin experiencia e servicio nobo. E servicio na Experience Store ta completamente diferente, pasobra no tin solamente e counter unda empleadonan ta warda pa atende clientenan y tin un fila pero awo e empleadonan lo ta atendiendo clientenan riba e workfloor mes. Nan lo ta canando cu un tablet pa acerca clientenan y por haci benta riba e tablet. Esaki ta algo completamente nobo cu Digicel a bin cun’e. Clientenan por cana den e tienda unda cu tin un mesa y aki nan por mira cua ta e celular nan kier cumpra y despues por haci e compra.

Den Experience Store tin e area di “Discover”. E area aki tin un play station y ora cu un mayor bay cu su yiu, e mucha por hunga na e play station mientras e ta warda riba su mayor scoge su celular. E Experience Store nobo aki di Digicel Aruba ta ofrece un experiencia diferente na tur su clientenan.

Diasabra a tuma luga apertura di e localidad nobo desde 10:00 AM pa 12 PM, unda cu e prome 50 clientenan a haya snacks y refresco. E dia aki tabatin prijs special riba e celularnan Postpaid modelo Samsung S7 y Samsung S8, celular prepaid pa un Samsung Galaxy J2 y e plan di Hybrid p’e Samsung Galaxy J2.Tabatin entretenimento e mainta aki tabata radio Massive, pero tambe e promo girls cu tabata parti un regalo di Digicel. Tambe clientenan a haya sa mas di My Digicel App cu ta brinda nan diferente opcion, manera paga online.

Marketing & Branding Manager di Digicel, Jennifer Kock a gradici e Retail Team cu a haci un trabou tremendo, unda cu nan a percura cu e tienda a keda cla na tempo, pero tambe e manager di tienda cu a haci un bon trabou esta Junella Courtar. Clientenan a sali for di Experience Store contento cu e servicio nobo aki y cu nan celular nobo. Orario di e tienda ta di dialuna pa diasabra di 9:00 AM te cu 6:00 PM.