Home Police Icho Matos y Alex Boekhoudt a celebra 35 aña como Polis

Icho Matos y Alex Boekhoudt a celebra 35 aña como Polis

SHARE

ORANJESTAD, Aruba – 15 di October 2017: Cuerpo Policial Aruba (KPA) a celebra 35 aña di servicio di Coordinador Grenspolitie, Inocencio “Icho” Matos y Chef van Dienst Strandpolitie, esta Alex “Buki” Boekhoudt. Ambos Polis a sa di crece durante nan añanan di servicio, pero tambe di ta un ehempel pa tur otro Polis. Hunto cu famianan y coleganan di Cuerpo Policial Aruba, Matos y Boekhoudt a celebra nan añanan di servicio.

Pa Inocencio Matos e 35 aña trahando den KPA ta algo cu a pasa hopi lihe pasobra tur dia ta eherciendo esaki. Pa mantene e consistencia a base di respet pa deal cu hendenan. Hopi biaha hende no ta gusta ora cu ta trece e cosnan dilanti manera nan ta y esey ta crea un imagen, pero a pesar di esey por mira cu esaki ta ‘straal uit’. Por sinti e respet bek di e pueblo, e aprecio y confiansa cu nan tin p’e trabou haci pa nan. Esaki ta algo cu Inocencio Matos por refleha den su 35 aña di servicio cu Cuerpo Policial Aruba.

Na momento cu e presenta un caminda of atende cu e caso, e seriedad cu Inocencio Matos tin na esaki pero tambe e preocupacion cu e ta hinca pa soluciona e situacion, por mira cu despues hendenan ta apreci’e. Esaki ta algo hopi importante. Trahando, 35 aña den KPA a pasa hopi lihe y el a siña hopi, pasobra e trabou ta hopi varia. Ta bon pa bisa cu entretanto Icho Matos tin 30 aña caba trahando sigui den e seccion di Inmigracion unda cu el a mira hopi cambio.

Licenne Boekhoudt ta orguyoso di e 35 añanan di servicio di su tata como Polis. E trabou di Polis ta duro y pa cu esaki e famia di Alex Boekhoudt ta orguyoso, unda cu nan a mira con el a crece den su trabou. E grupo di Polis ta un famia y esaki nan ta haya ta algo leuk. Licenne Boekhoudt ta orguyoso di su tata, pasobra ora e topa cu Polisnan riba caya nan ta cumind’e y ta puntra si e ta yiu di Buki Boekhoudt.

Bunita recuerdo cu e tin ta cu tur biaha e tata yega cas, e ta conta nan di su dia pasobra nan ta pasa den cosnan bon y malo. Tambe ora cu nan tabata chikito, e tabata laga su yiunan supla su fluit of tin biaha e tabata busca nan cu auto di Polis. E yiunan ta orguyoso cu nan tata ta Polis y cu e ta traha pa comunidad.