Home Entertainment Show di Broadway titula “Rent”, pa prome biaha na Aruba

Show di Broadway titula “Rent”, pa prome biaha na Aruba

SHARE

Oranjestad – Durante un conferencia di prensa, cu a tuma luga diamars mainta na Cas di Cultura, a keda anuncia un evento organisa door di  Stichting Schouwburg (Cas di Cultura) y Muse Theater.

Durante e conferencia di prensa nan a informa, cu e show lo tuma luga for 1 di November te cu 5 di November. Segun e directora di Cas di Cultura, señora Vicky Arends a duna di conoce, cu esaki lo ta pa prome biaha cu un Show di Broadway lo tuma lugar na Aruba. E show di Broadway titula “Rent”, lo ta sigur un show hopi interesante y cu sigur ta bale la pena pa amantenan di arte presencia.

Marla Passchier, kende tambe tabata presente durante e conferencia, a bisa cu mas di 2000 studiante lo presencia e show di Broadway aki, ya cu e ta contene temanan hopi importante pa educacion di nos hobennan.

E show di Broadway titula ” Rent”, ta un obra  Musical di Rock di Jonathan Larson’s for di aña 1996, cu a bira hopi conoci. E show aki tabata sold out na Edinburgh Fringe Festival y awo pa prome biaha na Aruba.